 |
| Mula sa pinagmulan ng mga bagay-bagay, tuklasin ang hiwaga ng mga alamat sa Pilipinas. Ang litratong ito ay mula sa Unsplash. |
Mula sa ating pagkabata, ang alamat ay isa sa mga kinalakhan nating kwento hindi lamang sa paaralan kundi pati rin sa ating mga tahanan. Ito'y dahil bahagi na ng ating pamumuhay bilang mga Pilipino. Sa katunayan nga ay halos lahat ng lugar sa atin ay may kaniya-kaniyang alamat.
{tocify} $title={Table of Contents}
Ano nga bang meron sa alamat at tayo'y lubos na nagagalak at nawiwili? Ano ang kahulugan ng alamat? Ano ang elemento ng alamat? Ano ang katangian ng alamat? Paano gumawa ng alamat? May mahalaga ba itong handog sa atin? Ano-ano naman ang nilalaman ng mga ito?
Halina't ating tuklasin ang mga ito.
Ano ang Alamat?
Ang alamat na mas kilala sa tawag na legend sa Ingles ay isa sa mga kauna-unahang panitikan ng mga Pilipino bago pa dumating ang mga Español. Isinasalaysay nito ang mga pangyayari na nagdulot ng pagkabuo ng mga pook, pangyayari, tao o bagay.
Sa madaling salita, ang alamat ay isang kwentong-bayan na naglalahad ng kwento kung saan nagmula ang mga bagay-bagay.
Ano ang mga Bahagi ng Alamat?
Ang estruktura ng isang alamat ay binubuo ng simula, gitna at katapusan. Ang mga pangyayari na sumasalamin sa tradisyon, kultura at kaugalian ng sinaunang Pilipino ay naipapakita sa tulong ng mga bahaging ito.
 |
| Mga Bahagi ng Alamat |
Simula
Ito ang pinakaunang parte ng alamat kung saan inilalarawan ang mga tauhan, tagpuan, at suliranin sa kwento.
Gitna
Dito matatagpuan ang saglit na tunggalian, kasiglahan, at kasukdulan ng kwento.
Wakas
Sa bahaging wakas matatagpuan ang pagsasalaysay sa kakalasan at katapusan ng kwento.
Halimbawa Ng Alamat:
Kung Bakit Nasa Ilalim ng Lupa ang Ginto
Isang Alamat mula sa Lungsod ng Baguio
Talasalitaan at mga tauhan sa alamat:
Suyuk
Ang Suyok ay isang nayon na matatagpuan sa Baguio.
Kunto
Si Kunto ang tinaguriang pinakamalakas at pinakamatapang sa kanilang nayon. Dahil dito, siya ang ginawang pinuno ng mga matatandang pantas.
Cañao
Ito ay isang pagdiriwang sa nayon ng Suyok para sa mga anito ng mga mamamayan.
Sugo
Ang ibig sabiin nito ay: ipinadala ng Bathala.
Bathala
Siya ang lumikha sa lahat at dakila sa lahat.
Matatandang Pantas
Mga tagapayo sa mga mamamayan.
Ginto
Mga bagay na kumikislap-kislap sa liwanag ng araw. Malaki ang halaga nito at karaniwang ginagamit sa paggawa ng mga alahas.
Bundok-bundukan
Ang bundok-bundokan ay mataas na bahagi sa nayon ng Suyuk. Sa lugar ding ito gumawa ng isang altar ang mga mamamayan.
10 Pinakasikat na Alamat sa Pilipinas | Halimbawa ng Alamat
- Alamat ng Pinya
- Alamat ng Bayabas
- Alamat ng Nuno sa Punso
- Alamat ng Mangga
- Alamat ng Pilipinas
- Alamat ng Saging
- Alamat ng Papaya
- Alamat ng Makopa
- Alamat ng Sampaguita
- Alamat ng Rosas
- at marami pang iba
Tunay na ang mga alamat sa Pilipinas ay sumasagisag sa ating mayamang kultura at kasaysayan. Bilang isang Pilipino, dapat matuto tayong pahalagahan ang mga ito sapagkat bahagi ito ng ating pagkakakilanlan.
Kung tatanungin ako kung ano ang pinakagusto kong alamat, ito ang Alamat ng Matsing at Pagong. Maraming aral ang mapupulot dito at kahit ilang beses ko na itong nabasa at napakinggan, hindi pa rin ako nagsasawa.
Ikaw? Ano ang pinakapaborito mong alamat?
Karagdagang Aralin
Ano ang pinakasikat na alamat sa Pilipinas?
Maraming sikat na alamat sa Pilipinas at isa na dito ang Alamat ng Pinya.
Ano ang mga katangian ng isang magandang alamat?
Masasabi na maganda ang isang alamat kung ito ay may malinaw na layunin at mensahe.
Bakit mahalaga ang alamat?
Ang alamat ay mahalaga dahil bahagi ito ng ating kultura at kasaysayan. Nalalaman at nauunawaan din natin dito kung paano namuhay noon ang ating mga ninuno.
Ano ang pinagkaiba ng urban legends at alamat?
Ang mga urban legend ay mas moderno at mapapatanong ka sa iyong sarili kung totoo nga ba ang mga ito o hindi. Ang alamat naman ay tradisyunal na kwento na may mahalagang papel sa kultura at kasaysayan.
Ano ang mga aral na mapupulot sa mga alamat?
Maaaring mapulot sa mga alamat ang mga aral kagaya ng pagmamalasakit sa kalikasan, pagtitiwala sa sarili, at pagpapahalaga sa ating mga tradisyon.
Ano ang pinakasikat na alamat tungkol sa mga hayop?
Ang isa sa mga sikat na alamat tungkol sa mga hayop ay ang Alamat ng Matsing at Pagong.
Mayroon bang alamat tungkol sa mga diyos at diyosa?
Meron. Ang dalawang halimbawa nito ay ang Alamat ni Daragang Magayon at Alamat ni Maria Makiling.
Tags:
Panitikan