 |
Habang tayo'y nasa kalagitnaan ng ating pag-aaral, tiyak ay marami na tayong karanasan na hindi malilimutan. Madadagdagan pa ang mga ito dahil sa bawat yugto ng ating pag-aaral, marami tayong pinagsamahan at pagsasamahan pa na magbibigay kulay at saya sa ating buhay bilang estudyante.
Kaya kung naghahanap ka ng replektibong sanaysay tungkol sa buhay estudyante, atin itong pag-uusapan sa artikulong ito. Halina't ating tunghayan ang mga kwento at karanasan sa loob ng paaralan na talagang nagdulot ng kakaibang saya sa atin.
{tocify} $title={Table of Contents}
Pagsali sa mga Aktibidades sa Eskwela: Mga Kwento ng Karanasan
Hindi lamang puro aral ang ginagawa sa paaralan. Mayroon ding mga aktibidad na talagang pinakahinihintay natin sa buong taon. Ito ang mga school fair, prom, at mga field trip na talagang masasabi natin na nagbibigay kulay at saya.
 |
Ang mga kaganapang ito ay nagsisilbi ring pagkakataon para makilala ang mas maraming tao sa paaralan, makapag-bonding sa mga kaibigan, at sama-samang gumawa ng karanasan.
Nariyan ang hiyawan at hindi matapos-tapos na patalbugan sa foundation day. Nariyan din ang tila nagsusumiklab na galawan tuwing sports fest. Nariyan pa ang mala-best actress at actor na aktingan pagdating sa buwan ng pagtatanghal. Marami pang iba, at alam kong gustong-gusto niyo rin ang mga 'yun.
Tunay na sa mga simpleng pagsusunog ng kilay para sa mga school projects hanggang sa mga mahabang pila para sa mga tickets ng mga event, ito'y mga karanasang nagpapahiwatig ng ating dedikasyon sa ating mga pangarap at pati na rin sa makulay nating buhay bilang mga estudyante, dahil sabi nga nila, bawal ang kj kung gusto mong ma-enjoy ang pagka-estudyante mo 'di ba?
Kasabihan tungkol sa Buhay Estudyante
1. Ang buhay estudyante ay parang gulong, minsan nasa itaas, minsan nasa ibaba.
2. Sa pag-aaral, tiyaga't sipag ang pangunahing yaman.
3. Huwag mong kalimutan, ang pagsusumikap ay may magandang bunga.
4. Kahit saan ka mag-aaral, matatamasa ang tagumpay kapag may pagsusumikap at tiyaga.
5. Ang karanasan ang siyang pinakamahusay na guro.
6. Ang buhay estudyante ay puno ng pagsubok, pero sa bawat pagsubok ay may aral na makukuha.
7. Sa paaralan, hindi lang utak ang dapat buhayin, pati na rin ang puso at kaluluwa.
8. Ang pag-aaral ay hindi lamang natututunan sa loob ng silid-aralan, kundi pati rin sa buhay.
9. Ang edukasyon ay susi sa tagumpay na inaasam-asam.
10. Kung gusto mong magtagumpay, maging pursigido ka sa iyong pangarap.
Pangwakas
Ang buhay natin bilang mga estudyante ay tunay na malawak ang sakop. Ito ay punong-puno ng mga karanasan na nagbubukas ng pinto sa ating pangarap.
Kagaya ng ating nabasa, ang mga karanasang meron tayo sa loob ngpaaralan ay talagang nagpapakulay sa ating buhay. Hindi ito basta-basta sapagkat ito ay isang magandang paglalakbay na puno ng saya, pagkakaibigan, at pagkatuto.
Habang tayo ay patuloy na nagsusumikap at nagsusulong sa ating mga pangarap, huwag kalimutan ang mga aral na napupulot natin sa bawat karasanan na mayroon tayo.
Paminsan-minsan, matuto rin tayong magbalik-tanaw sa mga kaganapang ito na nagdulot ng kakaibang saya at karanasan sa ating buhay.
Tags:
Pagsusulat